Nos fundashon

Fundamentu

Den añanan nobenta señora Edith Strauss-Marsera (èks minister di desaroyo i koperashon), señor Bòi Antoin (historiadó i periodista) i señor Evert Piar (èks direktor di banko) a haña ku mester hasi algu pa evitá ku patrimonio importante ta bai pèrdí, ku hendenan di edat lo isolá nan mes i hubentut lo kai den gara di kriminalidat. Nan a haña e mangasina di provishon bieu Mangazina di Rei un lugá úniko mei mei di un área natural presioso, kaminda habitantenan di bario por mantené nan patrimonio bibu, grandinan por traspasá nan konosementu i eksperensia, hóbennan por praktiká abilidatnan i turista por atkerí eksperensia kultural. Di e manera aki lo por evitá e senario fatal aki i por kontribuí na desaroyo di e área di Rincon. Pa realisá e metanan aki a funda Fundashon Mangazina di Rei na 1996.

Nos tim

Roleane Domacassé
Servisio na bishitante
Heleen Quartel
Edukashon
Izaïn Mercera
Operashon
Danilo Christiaan
Gerente general
Atministradó

Pa por alkansá nos metanan, ta nesesario pa tur empleado traha di un sierto manera. Pa Mangazina di Rei esei ta e manera di Kunuku Lifestyle. Esaki ta pará pa rèspèt pa Kreador, rèspèt pa naturalesa, desaroyá talento, biba alo máksimo i krea eksperensianan ku ta pèrmití bo eksperensiá kultura boneriano. Si tur empleado ta traha huntu ku plaser e chèns ta grandi ku e organisashon ta logra su metanan pa komunidat. Na ingles nan ta bisa ‘It’s a pleasure working with you’. Tur lèter den e palabra ‘Pleasure’ ta para pa kualidat ku e personal mester disponé di dje. E kualidatnan ta: Passionate (pashoná), Learnable (habrí pa siña), Energetic (energétiko), Active (aktivo), Stewardable (ku por manehá), Unifiable (traha huntu), Respectful (ku rèspèt) i Effective (efektivo).

Konseho di supervishon

Direktiva di Fundashon Mangazina di Rei ta bou di supervishon di un Konseho di Supervishon.
Esaki ta konsistí di e siguiente personanan:

Señora Maideline Martijn
Señora Lydia Sint Jago
Señor Albert Crestian
Señora Siomara Albertus
Señora Jenny Pourier
Señora Gilda Beukenboom-Sintjago
Señora Jurna Clarenda

VAKATURA
Bo ke traha na Mangazina di Rei?