English 
Netherlands 
Papiamentu 
Mangazina di Rei
Haltu riba un serito den naturalesa spesial i un entorno kaminda tempu a para ketu, di e region di Rincon tin un edifisio blanku grandi. Den siglo diesnuebe gobièrnu hulandes tabata usa ‘Mangazina di Rei’ pa almasená ransun pa e katibunan di gobièrnu. El a hunga un papel importante tambe den e area ku e tempu ei nan tabata yama ‘landstuinen ten Oosten’.
Awendia ta usa e mangazina pa konservá rikesa kultural boneriano pa generashonnan aktual i den futuro ku metanan di estudio, edukashon i plaser.
Den nos filosofia, kultura ta bo manera di biba, atendé asuntunan i nivel di desaroyo. E manera di biba boneriano ta karakterisá su mes pa e entusiasmo pa biba, spiritu emprendedor, kordialidat i rèspèt pa naturalesa.
Boneiru ta den pleno desaroyo i ta pará dilanti diferente reto pa evitá ku patrimonio importante ta bai pèrdí, ta produsí kuminda lokal, ta diversifiká e produkto turístiko i ta krea oportunidat di trabou pa personanan práktiko.
E area di Rincon tin potensial pa krese i bira un tereno ku ta atraktivo pa diferente grupo di enfoke. Esaki ta pèrmití Rincon duna un kontribushon signifikativo na diversifikashon di e produkto turístiko di Boneiru.
Kreando ehèmpelnan di desaroyo Fundashon Mangazina di Rei ke aportá na desaroyo di e área di Rincon di manera ku ta surgi oportunidatnan di desaroyo pa tur hende di Boneiru.
